MASHAIRI YA METHALI

      No Comments on MASHAIRI YA METHALI

Hujipinda muungwana, uvivu hueka kando
Vilivyo akapambana, akatenda kwa upendo
Wala haongei sana, na kuvifanya vishindo
Ada ya mja hunena, muungwana ni vitendo

ashikiwakiswahili ❤️

Ni maneno ya hekima, maneno ya dhahabia
Wahenga waliyasema, mafunzo kutupatia
Tukiitaka salama, muhimu kuzingatia
Kila mcheka kilema, naye humsikilia

~ashikiwakiswahili

Kwa makini nimekaa, shairi niliandike
Shairi la manufaa, soteni tunufaike
Ya wahenga nimetwaa, nanyi ndugu muyashike
Hakika ya bovu paa, mtu hulizimba lake

~ashikiwakiswahili

Hawezi pata makini, wala hawezi tulia
Na mara yupo mbioni, jiko anakimbilia
Hamu yake akilini, chungu kukiangalia
Alo na chungu jikoni, haachi kuria ria

~ashikiwakiswahili

 

Subscribe to Blog via Email

Enter your email address to subscribe to this blog and receive notifications of new posts by email.

Join 62 other subscribers

About Farwat Shariff

Farwata ambaye kwamba anatumia lakabu ya ashiki wa kiswahili katika uandishi wake ni kwa sasa hivi mwanafunzi wa somo la uchumi anayeishi Mombasa, Kenya. Aidha ni mjasiriamali, malenga na mwandishi wa kiswahili anayependa na aghlabu huandika kuhusu mambo yanayotokea na kuathiri jamii. Kuandika ni faraja yangu! Watu kuburudika na uandishi wangu ni furaha yangu❤

Leave a Reply

Your email address will not be published. Required fields are marked *