CHAPATI

      No Comments on CHAPATI

Nawauliza wenzangu, la kimjadala swali
Hakika ya swali langu, laniumiza akili
Nijibuni wangu wangu, tupate jibu kamili
Ni yapi maji sahihi, ya kukandia chapati ?

Eti ni maji makali, yalopuliwa jikoni
Ndiyo siri ya ukweli, chapati kuwa laini
Wengine hawakubali, eti haiwezekani
Basi ni yapi sahihi, ya kukandia chapati?

Wengine eti hunena, maji ni ya uharara
Ni maji mazuri sana, chapatize ndio bora
Ukweli twakorogana, leo tupigeni kura
Tujue yalo sahihi, ya kukandia chapati

Na maji baridi pia, wapo walotia neno
Unga ukiyakandia, hupati shida mkono
Chapati zitabakia, laini kwa siku tano
Ni yapi maji sahihi, ya kukandia chapati?

~ashikiwakiswahili

Subscribe to Blog via Email

Enter your email address to subscribe to this blog and receive notifications of new posts by email.

Join 58 other subscribers

About Farwat Shariff

Farwata ambaye kwamba anatumia lakabu ya ashiki wa kiswahili katika uandishi wake ni kwa sasa hivi mwanafunzi wa somo la uchumi anayeishi Mombasa, Kenya. Aidha ni mjasiriamali, malenga na mwandishi wa kiswahili anayependa na aghlabu huandika kuhusu mambo yanayotokea na kuathiri jamii. Kuandika ni faraja yangu! Watu kuburudika na uandishi wangu ni furaha yangu❤

Leave a Reply

Your email address will not be published. Required fields are marked *