HONGERA SHARIFA

      No Comments on HONGERA SHARIFA

Ya ilahi ya wadudi, Mola wetu subuhana
Tujaalie suudi, na siku yetu kufana
Litimu letu kusudi, na kufurahia sana
Kuleta hini zawadi, kwa huyu wetu kijana

Leo nipo furahani, wewe kukuzawadia
Na pete hini chandani, Sharifa nakupatia
Watu tushangilieni, vigelegele kutoa
Kwa furaha tuthezeni, Siku njema kutujia

Siku tuliongoja, imefika kwa salama
Nakutakia faraja, na furaha ya daima
Ilete njema natija, ndoa yako iwe njema
Uishi kama Khadija, naye mumewe Hashima

Umefanya njema kazi, sote ‘metufurahisha
Sharifa wetu kipenzi, hadhi umetupandisha
Mama Halima mzazi, Leo ‘memuheshimisha
Basi leo wazi wazi, pete ninakuvalisha

Maisha yalo murua, sharifa nakutakia
Matamu kama halua, na tena ya kuvutia
Ndoani ukiingia, neema kukushukia
Niliyekuzawadia, ni mimi bibi Asia

Subscribe to Blog via Email

Enter your email address to subscribe to this blog and receive notifications of new posts by email.

Join 62 other subscribers

About Farwat Shariff

Farwata ambaye kwamba anatumia lakabu ya ashiki wa kiswahili katika uandishi wake ni kwa sasa hivi mwanafunzi wa somo la uchumi anayeishi Mombasa, Kenya. Aidha ni mjasiriamali, malenga na mwandishi wa kiswahili anayependa na aghlabu huandika kuhusu mambo yanayotokea na kuathiri jamii. Kuandika ni faraja yangu! Watu kuburudika na uandishi wangu ni furaha yangu❤

Leave a Reply

Your email address will not be published. Required fields are marked *