JINSI YA KUPIKA SAMAKI WA KUPAKA

      No Comments on JINSI YA KUPIKA SAMAKI WA KUPAKA

MAHITAJI YA SAMAKI

  • Samaki mmoja mkubwa aliyesafishwa vizuri na kupigwa mitai(kukatwa mistari ili viungo viingie vizuri)
  • kituKitu thomu kijiko 2 cha mezani
  • Pilipili manga iliyosagwa kijiko 1 cha mezani
  • Fish masala kijiko 1 cha mezani
  • Ndimu/limau 1
  • Chumvi kiasi
  • Mafuta uto ya kumpaka samaki

MAHITAJI YA TUI

  • Tui zito vikombe 3
  • Currypowder kijiko 1 cha mezani
  • Pilipili manga iliosagwa kijiko 1 cha mezani
  • Mdalasini iliosagwa kijiko 1 cha mezani
  • Kitunguu thomu kijiko 1 cha mezani
  • Chumvi kiasi

MATAYARISHO

  • Changanya viuongo vyote vya samaki  kisha umpake samaki viungo hivi
  • Mpake samaki mafuta uto kidogo juu ili asishike kwenye chuma wakati wa kumchoma(mpake Kwa tahadhari ili viungo visitoke)
  • Mueke samaki kwenye chuma na umchome kwenye makaa. Akishaiva upande mmoja utamgeuza upande wa pili taratibu ili pia aive
  • Samaki akienda kuiva, endelea na matayarisho ya tui
  • Bandika tui motoni na ueke viungo vyote vya tui
  • Koroga tui lako mpaka liwe zito Kwa takriban dakika 20(hakikisha tui ni zito Sana ili lishikane na kuwa zito haraka)
  • Epua tui lako tayari kumpaka samaki
  • Unaweza ukampaka samaki pale pale kwenye chuma ulomchomea au ukamueka kwenye chuma cha chapati umpake Kwa urahisi
  • Anza kumpaka samaki wako upande mmoja kisha umgeuze umpake na upande wa pili
  • Samaki Yuko tayari
  • Andaa mezani Kwa mkate wa mofa

MAELEZO YA ZIADA

  • Unaweza ukamchoma samaki Kwa oven pia. Utamueka kwenye chuma cha oven kisha chini ueke tray ili oven lisimwagikiwe na viungo likachafuka.

KWA MAPISHI ZAIDI UTANIPATA

  • Instagram@farwats_kitchen
  • Facebook@farwat’s kitchen
  • You tube@farwat’s kitchen

Leave a Reply

Your email address will not be published. Required fields are marked *