JINSI YA KUPIKA BIRIANI LA NYAMA YA N’GOMBE SIMPLE NA EXPRESS

MAHITAJI YA ROJO

• Nyama nusu kilo(1/2 kg)
• Kitunguu thomu kilichosagwa pamoja na tangawizi kijiko cha mezani 1
• Pilipili manga iliosagwa kijiko cha mezani 1
• Bizari nyembamba/jira iliosagwa kijiko cha mezani 1
• Mdalasini iliosagwa kijiko cha mezani 1
• Maziwa mala vijiko vya mezani 5
• Pilipili boga 1 ilioiliokatwa katwa
• Vitunguu maji 3 vilivyokatwa katwa slices
• Nyanya 8 zilizoblendiwa(unaweza ukaziblend na carrots ukipenda)
• Tomato ya mkebe/paste vijiko vya mezani 4
• Dania 1
• Viazi 4 vikubwa vilivyokatwa katwa size ta kiasi
• Rangi ya viazi
• Mafuta ya kupikia/uto kiasi
• Chumvi kiasi

MAHITAJI YA WALI

• Mchele nusu kilo (1/2 kg)
• Mafuta ya uto vijiko vya mezani 3
• Rangi ya golden yellow na green

MATAYARISHO

• Weka nyama kwenye sufuria pamoja na mahitaji yote ya rojo isipokuwa viazi, rangi ya viazi, Kitunguu maji, dania na mafuta
• Koroga vizuri, ubandike motoni uache nyama iendelee kuiva(unaweza ukatumia pressure cooker ndio nyama iive haraka na ilainike vizuri)
• Kaanga Kitunguu maji mpaka kiwe golden brown kisha kiweke pembeni
• Weka rangi ya viazi kidogo na chumvi kwenye viazi na uvichanganye vizuri
• Vikaange viazi kwenye mafuta mpaka viive lakini visiive sana kisha viweke pembeni
• Tizama rojo lako  na kama nyama imeiva na limekauka, weka viazi na vitunguu ulivyovikaanga, dania na mafuta uto na uliache lichemke Kwa dakika 5
• Rojo lipo tayari
• Endelea na matayarisho ya wali
• Bandika motoni mchele uliouosha vizuri na kuuroweka Kwa dakika kadhaa na ufunike mpaka uanze kuiva kisha mwaga maji
• Urudishe motoni na utie mafuta
• Tengeza shimo upande mmoja utie rangi ya golden brown na upande mwingine utie rangi ya green
• Funika wali wako uendelee kukauka na kuiva vizuri
• Biriani lipo tayari
• Andaa mezani Kwa kachumbari, pilipili ya kukaanga na juisi ya passion

KWA MAPISHI ZAIDI UTANIPATA

• Instagram@farwats_kitchen
• Facebook@farwat’s kitchen
• You tube @farwat’s kitchen