MAISHA YANGU BILA BABA

      2 Comments on MAISHA YANGU BILA BABA

MALENGA: KHALID SHARIFF

Bisimilahi ya mannani, kwa jina lako karima
Mola uso na kifani, natanguliza heshima
Kisha kwa tumwa amini, na ahli zake kirama
Maisha yangu jamani, bila Baba yaniuma.

Nimeketi na mamangu, ndiye baba ndiye mama
Si mwengine bali wangu, nimpendaye halima
Kutimiza yalo yangu, mambo yake hujinyima
Maisha yangu jamani, bila baba yaniuma.

Roho yangu huniuma, wengine kuita Baba
Nimemzoea mama, sijui kuita baba
Moyo wangu hunithoma, kama nlodungwa mwiba
Maisha yangu jamani,bila baba huniuma.

Babangu sijamuona, tangu alipoondoka
Hadi sasa Ni kijana, hajui nilipofika
‘Menifanya Sina mana, mbeleni ‘tanikumbuka
Maisha yangu jamani,bila baba yaniuma.

Baba kuwaacha wana, ni nini kama si dhulma
Tena alosoma sana, ayua ovu na jema
Na wala huruma hana, wana kumuachia mama
Maisha yangu jamani, bila baba yaniuma.

‘metaabika mamangu, hakutaka kutuwatha
‘menilea na ndu’ zangu, Sharifa na farwatha
Na Mimi naapa Mungu, mamangu sitomuatha
Maisha yangu jamani, bila baba yaniuma.

Baba ndiye kiongozi, tena mwenye majukumu
Sharifu hajamaizi, kwamba kwake ni muhimu
Kutekeleza malezi, na tena kuwa na hamu
Maisha yangu jamani, bila baba yaniuma.

Metufanya Ni yatima, furaha kutukosesha
Nikikumbuka ya nyuma, yalivyokuwa maisha alivyoteseka mama, ili kutufurahisha
Maisha yangu jamani, bila baba yaniuma

2 thoughts on “MAISHA YANGU BILA BABA

  1. Jumaa Bwanaali Omar

    Mashallah Farwa..really love mashairi yako..Allah akuzidishie ilmu uzidi tupa raha kwa mashairi yako

    Reply

Leave a Reply

Your email address will not be published. Required fields are marked *