ELIMU

      2 Comments on ELIMU

Elimu urithi aali, mwanao kumuachia
Elimu ni kubwa mali, na tena ya kubakia
Elimu bidhaa ghali, katika hii dunia

Elimu wape wanao, tena bila ya kusita
Elimu akiba yao, katu hutokuja juta
Elimu ni kubwa ngao, ya kujilinda na vita

Elimu ndefu safari, basi safiri ‘sichoke
Elimu kubwa bahari, hainayo mwisho wake
Elimu kama ambari, imiliki usifike

Elimu uitafute, kwa ujino na ukucha
Elimu ya pande zote, itafute bila kucha
Elimu usiiate, kukichwa pia kukicha

Elimu wa nazi mti, kochokocho faidaze
Elimu tujizatiti, kuisoma tujikaze
Elimu mgongo uti, basi tusiipuuze

Elimu siyo umri, wana kwa watu wazima
Elimu ya mola amri, basi tufanyeni hima
Elimu ni ufahari, na inakupa heshima

2 thoughts on “ELIMU

Leave a Reply

Your email address will not be published. Required fields are marked *