UMENIACHIA DONDA

      No Comments on UMENIACHIA DONDA

Damu yanitiririka,ja maji ya mchirizi
Na wala sijakatika,ni mawimbi ya simanzi

Hainitoki mkononi,wala kwenye langu guu
Yamiminika moyoni,kwa yalonifika makuu

Nilikupa wangu moyo,bila shaka bila hofu
Ila roho ulo nayo,umeniachia kovu

‘likuona almasi,unangara kama taa
Kumbe mwenzangu ni fisi,waua bila vifaa

Roho yako ni nyeusi,huna chembe cha huruma
Una mno ubinafsi,ulotenda yaniuma

‘mepata funzo hakika,mapenzi ‘mekuwa sumu
‘mebaki kuhuzunika,kwa sana najihukumu

Subscribe to Blog via Email

Enter your email address to subscribe to this blog and receive notifications of new posts by email.

Join 38 other subscribers

About Farwat Shariff

Farwata ambaye kwamba anatumia lakabu ya ashiki wa kiswahili katika uandishi wake ni kwa sasa hivi mwanafunzi wa somo la uchumi anayeishi Mombasa, Kenya. Aidha ni mjasiriamali, malenga na mwandishi wa kiswahili anayependa na aghlabu huandika kuhusu mambo yanayotokea na kuathiri jamii. Kuandika ni faraja yangu! Watu kuburudika na uandishi wangu ni furaha yangu❤

Leave a Reply

Your email address will not be published. Required fields are marked *